Ala gouvèrnman l’apré kalkil pou mète anlèr lané ki vien lo plan lénèrzi pou La Rénion. Pou in bon nouvèl, sé in bon nouvèl pou vréman. Ni pé dir sa i ariv akoz La Rénion la bouzé pou sa... Azout avèk sa, i parl plizanplis lo plan témèrji pou donn travay plis 15.000 pèrsone dann bann nouvo kalité travay. Sa la pa inn krak sa, vik nana demoun sérié i travay la-dsi.

Lé bien tousala, épi moin, pèrsonèl, moin lé dakor. Solman, mi domann koman i sava donn la formasion bann zènn i lèv pou zot gingn in bon boulo : mi oi pa tro si nana in bon plan pou sa, kisoi La Rénion mèm, kisoi dann bann péi déor. Kan mi oi pa in nafèr, moin la anvi dir napoin !

Si sé la kominikasion la pat la kasé, armète in n’ot anlèr akoz konpran azot bien : bann Rénioné lé préssé oir tousala arivé. Sa sé lavnir pou bann zènn, an parmi lo kat mil pèrsone nana lo bak a monté, épi i ral gongonn’soufrans dann RMI... Sak mi èmré oir, sé an sifizans in bann ferm teknolozik, pou domoun aprann lo bann métié, fé lo bann roshèrsh k’i fo, konmsa zot i prépar azot pou akonpagn lo péi dan la modèrnité. Akoz pa ?

Justin