Toulézan, minm zour, minm késtion, minm foutan. I travay, i travay pa pou 20 désanm ? Komérsan lé dann kol zak, périod Noël, zour d’l’an, la-minm zot i vann lo plis, paké par paké. Mé ou kroi pa ou, bann vandér-vandéz, bann késièr, i proféré pa kraz in kabar par-là, manz in manzay ansanm, plitok travay...

20 désanm, 20 désanm pa ? Epi osi kosa domoun i fé an vil in 20 désanm ? Kour partou pou astè kado ? Vo dor, mi di aou. Babylone i di rasta. Sa in fo trin. Moin mi di 20 désanm, in zour ni dovré pans kosa nou pans, kalkil kosa ni fé. Parlfèt, amoin minm, moin la pou domann amoin si i fo mi travay. Somanké 20 désanm sèl zour dan l’ané i trouvra pa in oté, dann zournal : amoin mi 20 désanm. Nartrouv lo 21.

Justin