Si zot i suiv in pé bann travayèr l’éspas vèr lé posib zot i oi banna fèr dé shoz mi trouv lé danzéré. Par ébzanp sak i ansèrv dézèrban pou anpèsh lo zèrb kour d’isi d’la-ba épi okip lo bann z’alé la tèr rouj. Mé afèr i ansèrv bann poizon shimik pou fé in travay konmsa ?

Pars a bien kalkilé sa la pa in n’afèr bien nésésèr. La prèv ? I pé ansèrv bann débrousayèz k’i marsh avèk l’ésans é mèm avèk l’éstrisité konmsa zèrb kour-atèr i arète kouri. I pé mèm ansèrv lo sho sansa la vapèr sou présyon. Donk dézèrban la pa vréman itil, i pé mèm s’anpass de sa. Bin alor, pou kosa i kontinyé anpoizone la tèr ?

Pars la pa bézoin ansèrv in bonpé la min d’èv pou fèr sa. Inn-dé pèrsone apré bonbardé avèk poizon-la, sa l’asé pou fèr lo travay. Mé si zordi gouvèrnman i karkiye in pé lo zyé sé ké lo bann produi shimik l’apré anpoizone la tèr, anpoizone la santé d’moun-konbien i sava énète andikapé, é pandan konbienn zénérasyon si i kontinyé… In sakré malédiksyon !

Donk gouvèrnman i sort désid l’ané 2017 v’arète ansèrv so bann poizon. Mé akoz pa toutsuit ? 2017- mi pans lé in pé tar kant mèm.