(page 16)

Na pwin lontan nou la fèt dann la zoi lo santenèr la loi 1901 pou bann zasosiasion. Toulmonn la anprofit pou dir konbyin lo mouvman asosiatif lé kapital. Zordi so minm zasosiasion i rofiz krèv la gèl ouvèrte.

In lané si lot, zot i voi langazman l’Éta i mèt azot dann fon. L’Éta la fine tèlman sarz bann kolèktivité ké bann zososiasion i gout in fo robon dann léstoma. É ni parl pa ti zasosiasion, mé sak lé inportan minm, sak i okip la zénès sinon l’édikasion popilèr.

Si i kontinié koma, zot i gingnra pi fé rien. Kèl sosiété i rès anou, si lo mouvman asosiatif lé oblizé bat arièr ? Koman kontini mèt ansanm pou avans in pé pli loin kan i fé rès aou vant vid dovan inn éstop, in fé rouz i vé pi sanz koulèr ?

Zistin