A moins ké li lé vèrni pou l’bon !

5 mars 2008, sanm Justin

Bac +2, Bac +3, Bac +5, Bac +8, BTS, Licence, Master, Doctorat, diplôme injénièr ! Konbien bann jènn nana diplôme konmsa ? Konmsa alor, zot na moiyin pou gingn in plas travay bien kalifié, pou raport zot la pa gingn z’ot diplom dann boit savon. Lé bien kant mèm oir bann jènn La Rénion bien kalifié konmsa !...

Bin akoz kan i amontr kisoi in lantrepriz, kisoi in ladministrasion, kisoi in landroi i fé la roshèrsh, in biro d’étid, i amontr kréol apré fé pti boulo fay-fay, pa tro kalifié, épi sak i koz for, i fé lo boug k’i koné, sé bann moun i sort déor ? Sa i romark bien sa, la pa moiyin kashiète in nafèr konmsa. Kissa i pé ésplik amoin so mistère-la ? Koté k’mi tourn la poin in moun pou asplik sa... Dann manazman, par égzanp, akoz napoin demoun issi, akoz nout moun lé la arienk pou ékouté ?

Bin akoz ankor kan in moun diplomé La Rénion i fé in domann travay, i fé atann ali lontan konmsa ? Par-la ui moi épi apré, in zour, i di ali : « votre candidature n’a pas été retenue ». Pou kossa ? Li koné pa. Par kissa ? Li koné pa. Li oi zis i di ali konmsa : bouz dé la. Sa i vé dir bann travay-la lé rézèrvé, i fo ou i mont la pate blansh pou sa, sansa i fo ète famiy avèk lo boug k’i tri la tète. A moin k’i fo ou lé vèrni vréman !

Justin

Signaler un contenu

Inn modékri, inn ti lavi, inn komantèr ?

Bann modékri andann forom

  • Et mi di pa ou le calvèr des réunionnais en Métropole, surdiplômé, qui essaient rentré la réunion...des offres bac+3 à 5, néna de temps en temps mais band’ cabinet recrutement (soi disant des professionnels), i gagn’ pas fé un entretien téléphonik, zot i veu rien que réunionné vivant la réunionné ... astér, ou la quité la réunion ? ou gagnera pi revenir avec mentalité "la couilloniss" comme bon peu cabinet recrutement né na en ce moment. prochain i di a moin "désolé monsieur, vous n’êtes pas sur la réunion, revenez nous voir à l’occasion si vous êtes sur place", mi trap la HALD et mi fé totoché ..rappelons que la discrimination à l’embauche (y compris processus de recrutement) sur la base du sexe, de l’âge, de la couleur de peau, de la religion, du lieu d’habitation etc..Etc.. est condamnable. alors, pour les quelques responsables d’agence de recrutement qui lieraient ces lignes, sachez que je ne vais pas trop tarder à saisir la HALD sur ce constat.
    quand mi pense tout sa qui vient la réunion passé le concours IUFM "professeurs des écoles"...i fé enrage à moin ! si réunionné i té connétr comment la corse i avantage systématiquement le corse pour l’emploi en corse..à quelques exceptions près ..malheureusement ?heureusement ?

  • malheureusement pour faaire bouger le Réunionnais, ici, à La Réunion, il faut se lever très tôt
    Malcolm

Témoignages - 82e année

+ Lus


2026 Témoignages