Mézami néna dé foi ou na labitide in moune lé dousmn, dousman. La pa li pou di in mo pli for k’lote. Mé tazantan, alé konète pou kossa, oila ké lo boug i sorte sé gon é kan téi kroi li lé pa danzéré, kansréti pou inn moush, ébin zétinsèl i vol.

Mi rapèl dann tan mwin té i sava lissé, l’avé in marmaye dousman-dousman mèm é toute bande gran téi kass ali ti-boi, téi fé onte ali. Sof k’in zour, li la sorte sé gon pou vréman, é li la komanss di lézote zot kate vérité… Mé oila k’inn la di ali : « Mwin téi koné pa ou l’avé bone guèl konmsa ! ». Dofé dann kannn mézami, é in pé pliss lo kassèr d’ti-boi, demoune téi ramass ali an pti kuiyèr si li l’avé pa gingn kour son kilotte dan la min.

Konm koi, kan i di, méfyé lo k’i dor ébin le moune na rézon. Antanssyon dovan !… Mi kite azot rofléshi la dsu é ni artrouv pli d’van. Sipétadyé.

Justin