Souvan dé foi, kan moin lété ankor lékol bann profésèr-sirtou sak i fé zimnastik - té i di anou konm konsèye sak moin la mark an-o la. Kosa i lé la vitèss ? Kosa i lé présipitasyon ? La vitèss sé kan ou i fé vite lé shoz. Vite mé avèk in lorganizasyon ! Présipitasyon sé kan ou i dépèsh mé san roganizasyon. Donk kan ou i présipite, ou i kroi ou i fé vite mé ou i sava pli dousman. Figir azot moin la vi in konkour gato : l’avé in moun téi fé bien, té i fé vite é son gato téi avans konm i di, an dous é san sokous. L’avé in n’ot té i dépèsh si tèlman son gato la foiré : sa té vréman in présipitasyon. Kèl rant lé dé lé méyèr ? In vitèss roganizé sirman lé méyèr, mé pétète zot i pans pa konm moin. An touléka, i vo myé rofléshi la dsi é ni artrouv pli d’van. Sipétadyé !