Sa lé normal, in lang sé in n’afèr bien an vi, donk li modifyé avèk lo tan mé mi pé dir azot, tan jenn lo mo mwin la mark an-o la demoune téi ansèrv souvan é dann plizyèr sanss

Par égzanp i pé di : Avèk la plui flèr i abime. Lèss pa manzé dsi la tab dann tan la shalèr pars lé riskab abimé. Siklone Jenny la abime bann kaz vèye pa koman. Afors li ravaz demoune in zour déssèrtin la antour ali é l’abime son portré an sortan d’bal. Avèk lo gro plui, frui lé abimé.

Mi arète la sinploman pou dir azot abime-abimé sa bann mo a pa obliye ansèrvir. Amwinss ké zot i trouv in mo pou dir la mèm shoz é pliss dann l’èr di tan. Amwinss d’in lévolission dé shoz nou lé pa mète. i

Ni artrouvn pli dvan sipétadyé.

Justin