Néna plizyèr fason ète abiyé. Néna demoun lé an kostardé, néna lé abiyé an pou pète, néna lé bien abiyé, é néna sak lé mal abiyé. An parmi lo moun mal abiyé, demoun, dann tan, téi klass bann marshan poisson. Sa sé in n’afèr lé bien konpréansib pars out linz i détinn afors ou lé dann in bin mouyé é konm fitintan linz lété shèr demoun téi protèz z’ot linz konm zot té i pé . Astèr pou anshèv d’ète mal fagoté shomiz téi pandiy an déor lo pantalon. Ni pé dir késtyon d’ète mal abiyé bann marshan poisson l’avé poin, dann tan, lo monopol é bonpé d’moun té mal abiyé. Koméla la shanj in bonpé é a oir d’moun dann shomin isi La rényon ou lé blizé fé lo konsta l’abitide demoun la fine shanj in bonpé. Mi koné pa z’ot fason abiyé, mé moin lé sir sak moin la mark an o la i konsèrn pa zot. Alé ! Mi lèss azot rofléshi la dsi é ni artrouv pli d’van sipétadyé