Oté

« Adyé Pyèr, tak baro ! »

In kozman pou la rout

Justin / 10 zanvié 2018

JPEG - 43.6 ko

Sa i vé dir : f-i, fi, n-i, ni. Donk kont pa dsi. In l’ébzanp : ou i anprète in moun in moné é ou i apèrsoi li évite aou tanpir k‘li pé ! Fé in kroi dsi out larzan pars son l’idé ranbours aou lé fine aboli. In n’ot l’ébzanp : in zanimo la parti maron dopi plizyèr zour é ou i san bien li la pa pou rotourné. Fé out dèye ! Kozman la, la pa in kozman koméla, sa té plito ansèrvi par d’moun lontan, mé la pa pou sa i fo lès sali tonbé pars, sanm pou moin, lé bien posib ardonn ali favèr. Pou kosa ? Pars li lé zoli, épi li di bien sak li vé dir. Alé ! Mi lèss azot rofléshi la dsi é ni artrouv pli d’van sipétadyé.