Arèt kas anou lé kui, arèt palank nout lespri. Antouka, i fodra bien in zour zot i koné kan zot vant lé plin. Ala dépi 2001, bann travayèr navé sinkant-sink an, ziss parkoté lèr la rotrèt, téi done zot plass bann zèn po ranplass azot. I apèl ali Congé solidarité.

Tout la bann la di : "ala in gayar manièr po tass moyen palank shomaz-là". Bann zèn la profit sistèm-là po sort dann gafourn lasistanss. É ankor, kan zot téi vienbou profit lasistanss.

Ala pa bann kanyar l’UMP la désid mèt dofé dann in gadianm sistèm. Banna i done Congé, mé i mèt pi ansanm solidarité. Kosa zot i vé ? Shomaz i rogomant, bann zèn i rèss dan la mizèr.

M’a di azot : mon papa mason téi vé profit sa. An-tou, i fé karant-é-in an li travay, si i kont la koup kann, manèv, zordi mason. Afèr i done pa la plass po bann zèn i lèv ?

Justin