In kozman pou la rout

« Afèr trakasé kan la mèr lé bèl ? »

14 avril 2016, sanm Justin

Kozman-la i fé pans amoin lo tan moin téi sava Sin-lé in pé souvan. L’èr-la, moin téi koné in bonpé péshèr kanot é dé-foi moin téi romark zot i avèy la mèr mé zot i sort pa. L’èr-la mi domann pou kosa kanot i sort pa é banna té i di : rogard la point shato, rogard la point-o-sèl, kan ni oi nana l’ékime i bouyone dsi kap, ni sort pa pars tangaj la pa loin. Donk la mèr i pé z’ète bèl mé pa pou lontan. Bin nout kozman alor ? Nout kozman sé pou dir la pa bézoin trakasé kan l’èr d’traka la pankor arivé. Kan i fo i fo, mé ka kontrèr non. Trakas pa pou sak i pé ariv domin, sansa apré-domin, sansa k’i ariv ar pa zamé. In bon filozofi pou moin, dan la vi.


Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus