Oplis ou i anserv in zoutiy, oplis li vien frazil é momandoné li kass. Sa lé bien vré ! Solman, d’apré lo kozman, i fo pa ni arèt solman dsi la si, sansa solman dsi in n’ot zoutiy. I pé aplik sa osi pou in n’afèr i ariv an parmi l’moun.

In l’égzanp ? In moun mantèr i nyabou fé prann anou blan pou noir, makaroni pou la bouzi in pé d’tan, mé i ariv l’èr pèrsone i kroi pi li. Si tèlman k’i di mantèr konm intèl é li rant dann in patoi pou lo moun i koné ali, mèm sak i koné pa li é i koné in moun, k’i koné in moun k’i koné ali.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant ni pé z’ète, tazantan, dakor rantre nou.