Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami si na dé zour léspri lé klèr, néna dé zour léspri lé pa tro :la pa forséman pars ou lé bu, sansa pars ou lé maladé .Mé sa i ariv konmsa kan ou lé in pé fatigué.

Wi gingn pa align toute bande zéléman oute pansssé bien dan l’orde é néna dé foi ou lé a d’mandé si wi ariv a fé bien kon prande aou,sansa non..Wi apèrssoi d’sa, mé lé konmsa wi pèrde lo fil oute konvèrssassion.

Alor réspir bien si wi gingn bien réspiré, align konm i di oute bande zéléman d’langaz é aprésa i rovien .Alor la, kan i rovien pran bien oute tan,san sa talèr oute léspri lé kapab arranbrouyé ankor in kou.

Alé ! mi kite azot rofléshi la dsi é ni artrouv plu dvan. Sipétadyé.