Mézami, souvan dé foi, kan wi antande demoune, ou lé a d’mandé si in pé i rode pa l’inpossib – anfin i rode pa lo boute, konm ni di dann kréol rényoné.

Mi rapèl l’avé in moune mwin téi fé travaye ali travay lékol, é in zour li té apré ésèye démontr in postula é kan mwin la di ali, zistoman sé in kékshoze lé pa néssésèr démontré, li lété konm in moune pèrdu. Pèrdu pars li té fine ariv o boute la shène é té pa possib alé pli loin. Pou kossa ?

Pars son rézoneman lété konmsa : alé o boute lo boute lo boute mé san rokonète momandoné lé pa possib alé pli loin. Néna sirman in pli loin, mé li lé inpossib pou trapé. Sa lé vré pou d’moune normal, sa lé vré pou bande savan, sa lé vré galman pou bande devin épi d’ote ankor. Wi pé rode lo boute san zamé trouvé.

Alé ! Mi kite azot rofléshi la dsi é ni artrouv pli d’van. Sipétadyé !