Mézami-mézamiz – mwin lé sirésèrtin zot toute i koné kozman – la mé mi vé anparl dé li in foi ankor zordi pars mi majine kozman – la é pars i fo touzour ni ramass sa dann in koin noute koko pars li lé pa initil dan la vi.

Dabor pars li rapèl anou, fitintan é pou kossa pa dann noute demin la kok kalbass téi ansèrv in paké d’zafèr : si li lété gro téi ranplass rozoir avèk fèrblan pou alé rode dolo, si li lété pti téi ramass zépiss dodan. Mi oiré trébien in moune bien adroi aranze la kok kalbass pou toute zizaz dann la kizine épi pou dékorassion galman. In lidé pou souké sii zot i vé !

Mé oila, afors bate par issi, bate par laba, la koko kalbass i fini par kassé é li lèss aou an prime in fond’rogré é sa lé vré pa arienk pou kalbass pars demmoune ossi lé konmsa : izé mé pa abizé dann travaye, konm dann ménaz. Zot i konpran amwin fotéspéré.

Alé ! Mi kite azot rofléshi la dsi é ni rotrouv pli d’van. Sipétadyé.

Justin

NB-Obliye pa non pli kalbass vidé i pé ansèrv kèss rézonanss pou bobre. Inportan zot i panss pa ?