Médame, zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami zoué avèk léspoir in moune sa sé lo dèrnyé afèr pou fé. Ala ké li panss li va gingn satisfakssyon, mé la pa sa, demoune l’apré zoué la boul avèk li-dizon l’apré babane ali san lé li romarke ;I promète ali dékrosh la line avèk lo dan.Alé oir ou !

Sa lé vré dann toute konpartiman la vi :kissoi dann travaye, kissoi dann l’amour,kissoi dann zétide, kissoi pou zoué balon. Kan wi kroi ou lé dann bon shomin pou gingn oute pourkoi-pou réissi-é ké opliss wi aprosh opliss oute bi i éloign.Momandoné wi larg lo kor.

Alé ! mi kite azot rofléshi la dsu é ni artrouv pli d’van. Sipétadyé.