In kozman pou la rout

« Akapar, kapar, kaparèr, lakaparèr »

14 out, sanm Justin

Par prinssip kan wi akapar lo bien in moune sé pa pou pèye o pri, konm i di pou pèy a vil pri. Lété lo ka lontan, lé ankor lo ka zordi kan wi kapar poisson in péshèr a bark sansa kan wi kapar tomate lo plantèr bon marshé pou arvann shèr.

Néna in ote kalité kaparèr pli modèrn sé bann démarshèr. Zot i pran larzan a la sours kan li lé pankor fé pou vréman, kan li lé pankor guinyé par la famiye é lo démarshèr i vien soutir sa komansmann lo moi, sansa apré lo sink kan la famiye i toush rsa sansa bann préstassion.

Mi rapèl in shanté Ziskakan dsi démarshèr kan i di : oté démarshèr, assé tir sossiss kui dann vant koshon. Mi panssé sa téi égziss pi mé i égziss ankor. A s’ki paré.
Alé ! Mi ! i kite azot rofléshir dsi sète afèr-la é ni retrouv pli dvan, sipétadié

Justin

Padport

Signaler un contenu

Inn modékri, inn ti lavi, inn komantèr ?

Témoignages - 82e année

Gouvèrné sé prévoir !

28 séptanm, sanm Justin

Mézami dann tout zafèr ni pé dir : « Néna in zour i apèl demin ! ». In pé va dir « gouvèrné sé prévoir ». Mi rapèl kozman in vyé kamarad zordi la (…)

+ Lus


2026 Témoignages