Mézami souvan défoi kan demoune i késtyone aou, wi done in réponss. Mé dé foi ou la pa anvi done réponss pars ou la pa anvi, in poin sé tou. Alor wi trouv in formil pou ékarte la késtyon é pou évite ésplike aou dsi kékshoz i plé pa ou momandoné.

Sé konmsa k’étan pti nou l’avé souvan réponss mwin la marke anlèr é k’i vo sinploman in rofi pou réponn. Sé konm kan i di aou akoz é wi réponn « parské » konm in rofi d’réponn, in poin sé tou. Sa i rouv pa la diskission, lé vré, mé pou kossa diskité, diskité san fin dsi kékshoz i débouh dsi arien ditou.

Alé ! mi kite azot rofléshi la dsi é ni artrouv pli d’van, sipétadyé.

Justin