Lé vré koméla si in moune i domann amwin pou kossa margoz lé amèr, talèr mi sa rode dsi google oussa i sorte son lamèrtime : sirésèrtin mi sa trouv la list in bann léguime amèr pars néna molékil amèr dodan ; mé sirman sa la pa in késtyon d’chimie, mé sinploman inn késtyon d’bon sans. In gran komik franssé noré réponn : « lé étidyé pour » é sa i sifi par li-mèm.

Sa i vé dir la pa bézoin alé poz aou bann késtyon initil. In lévidanss sé in lévidanss é ni doi kontante anou avèk sa sirtou si ni koné sa i amenn ar pa nou pli loin k’sa… Akoz ? Akoz margoz lé amèr, lo gin lé dou, la rassine lé plate.

Alé ! Mi kite azot rofléshir la dsi é ni retrouv pli dvan sipétadyé.

Justin