Pou mète in médikaman an sirkilassion, i fo pass in kantité tèst é lé pa rar i borde lo médikaman, sansa lo vakssin avan d’mète ali an sirkilassion .Lé normal ! Pars médikaman sa lé prévu pou soign demoune alor i fo pa mète ali an sirkilassion si lé zotorité lé pa sir san pour san k’i aporte in bon rézilta .Mwin lé pour !

Astèr majine in pé i rode in médikaman pou songn la maladi in zanimo-in ète vivan sa !- ébin lé pa rar i fé lo bande tèst an vitèss épi i mète lo vakssin an sirkilassion san z’ète sir san pour san k’in bon rézilta lé o b oute la miz an sirkilassion. I paré sa lé konmsa é biensir mwin lé pa pour ditou pars lé konsékans i pé ète pa bon ditou.sirtou si sé in zani mi l’om i manz.

Bande plante ossi sé ban de z’ètre vivan é zot ossi i trape la maladi é anpliss sé bande zanimo k’i manj épi nou ossi lé zom sa sé noute nouritir. Alor zot i panss sèryèzman i pran toute prékossion ? si téi pran noré poin bande éskandal lo klordékone épi d’ote avèk bande konsékanss ni koné dann bande péi l’outremèr ;

Astèr alon parl matèryèl skolèr. Zordi ni apran avèk déssèrtènn matyère marmaye lékol i pé trape bonpé maladi. Astèr si i di aou ashté pa léstilo a biye pou oute zanfan, kossa wi fé ?Wi di ali lav son min kan li trape léstilo,sansa mète pa kapûshon dann son boush é li va ékoute aou. I di mèm i fo pran bande prékossion konm pou bande joujoute. Donk té fassil prévoir sa !

Akoz la pa vi sa avan ?Akoz solman zordi sirman bonpé zanfan la fine trape la maladi ?I fo pa z’ète in gran sorssyé pou konète lé mèm koz i produi lé mèm zéfé.

Alor kisa i sava pèye sa ?Gouvèrné sé prévoir é in pé i prév oi pa arien-Ab on ékoutèr, salu !