Mézami konm mwin la fine di, sé dann lo an-parmi noute lang lé éné, épi noute lang kréol rényoné i dévlope. Sé konmsa ké tazantan néna in lésprèssion, i sorte dan la boush in moune épi sa i akrosh avèk zorèye lé zot.

Sé konmsa ké mwin la antande kozman-la dann in boutik é mwin la lir sa galman dann somin-lo mo Daniel Honoré. Kossa i vé dir ? Sinploman ké demoune i abiz touzour dsi inn rantre zot é sé li mèm k’i pèye lo kou alé oir lé z’ot i fé ké lèv zot koude.

L’avantaz lo kozman, sé ké li fé ri osinonsa, sourir sann véksé, mé i shanj kant mèm la règ de jé pars apré i shanj labitide : Sin-Michel épi l’arkanj i doi pran zot par.

Alé ! Mi kité azot rofléshi la ds é ni artrouv pli d’van. Sipétadyé.

Justin