Matant Zélida la ékrir Justin :
Mon shèr nové, mon spès salté, rouj-de-fon dovan l’étèrnité,
mi antann azot koz gra, mé moin lé a d’mandé si zot i kroi pou vréman sak zot l’apré dir. M’a dir aou in sèl légzanp pars néna dé ta é dé ta. Ala ké zot i di zot i vé in l’oséan indien zone de pé. Sa lé bien joli ! Pé sfèr néna in bon pé d’moun sré dakor avèk zot. Mé dabor la poin la guèr dann loséan indien, épizapré sak lé kapab fé la guèr i pé lans in mésaz la pé, mé sak konm nou i gingn pa ditou fé la guèr, kosa k’i ansèrv azot, bann rouj-de-fon pou koz konmsa. Mon répons, lé klèr épi lé san bavir, i ansèrv arien. Tok ! Pran sa pou toué !

Justin la fé pou répons :
Mon vyé matant k’i koz touzour la boush rouvèr, i étone pa moin kozman ou i di sirtou kan ou i angant demoun pou pa fé arien. Pou anpèsh la polisyon ? I gingn paf é arien. Pou anpèsh déklar la guèr ? I gingn pa non pli .anpèsh in pé la vi shèr ? Sa lé inposib. Lo for i rèss lo for é lo fèb i rèss lo fèb .L’ésploitèr i rèss l’ésploitèr é lo l’ésploité i rèss lo l’ésploité. Ala in l’ord sosyal i bote aou la. La poin arien lé bien konmsa.
Poitan si mi diré aou, konbien foi dann l’istoir lo pli fèb la bate lo pli for.a komansa Da vid kan la bate Goliath. Si mi diré aou, l’istoir l’iman ité lé ranpli avèk bannzistoir lo pli fèb la fini par bate lo pli for soidizan. Néna kant mèm é sa ou i koné bann tig an papyé ko nm bann shi noi i di, é in tig an papyé mèm si li lé gro, mèm si li fé pèr, ariv in zourf i bate ali atèr.
Alé matant, kontant aou avèk sak ou i pans, mé sirtou kroi pa sé in vérité absolu. Tok ! Pran sa pou ou.