Dé semène apré pasaz sikone “Jeanne”, le pèp ayisien i anfini pi ésèy sikatriz son bel boubou. Nana rézion lé ankor inondé é ban resersh lé pa terminé. Ladsi, la maladi i rode. Désertin i di déza nora pli d’ 3.000 viktime antou !

Biensir, lèd internasional i komans’ arivé. Mé pou la popilasion, plis’ i trène é plis’ lé dramatik. I fo, atoupri, ni aksélèr le trin la solidarité !!

Otan di azot, la réshof mon gongon d’kèr kan moin la antandi in Komité rénioné la mèt anplas’ pou santraliz lèd pou nout frèr ayisien. Èd azot sé èd anou, osi. La Rénion nana bonpé léson pou tiré parapor le drame i paraliz Haïti. In lile otan èkpozé k’li !!!

Justin