Mézami, mwin lé sirésèrtin zot i koné kozman-la, sansa in n’ote lé prèss parèye-antouléka i vé dir la mèm shoz. Pou ma par mi di toultan : « Mi mète pa mon kiyèr sal dann marmite i kui pa pou mwin ! » Konm zot i oi sé lo mèm zafèr. Antouléka mi oi li konmsa.

Fransh vérité sa in kozman i bote amwin bien pars mi yèm pa tro maye dann zafèr i konssèrn pa mwin. Mi oi sa konm in bon fasson pa rante dann zardin sogré lé zote é mi kroi sé in bon n’afèr pars si mi yèm pa k’i rante dann mon zardin, mi panss lézot i doi pa yèm k’i rante dan lazote non pli.

Poitan i paré ladi-lafé sa sé in éspor nassyonal pou nou Rényoné mé mwin mi partaz pa in labitide konmsa. Mé sa i anpèsh pa zot fé konm zot i vé mé rofléshi bien kante mèm dsi lo konsékanss é ni rotrouv pli dvan, sipétadyé.

Justin