In fason mète in moun a l’ékar. In fason dir ali rotir ali pars l’afèr lé tro sèryé pou li. Asiz dsi ti-ban sé artourn in pé dann l’anfans, artourn in pé dann tan ou lété pti marmaye... Mi souvien in zistoir mon papa l’avé rakont amoin in zour moin l’avé konm asé alé l’ékol. Donk pou alé l’ékol téi falé li désote in kaz l’avé in troupo zoi é pou trik bann zoi té i falé ète plizyèr. Si ou té tousèl kont pa dsi ! Obli ali ! Donk in zour mon papa, étan marmaye, la lèv an rotar é pi moiyin pou li pasé. Alala li di : « Papa, mi sava pa l’ékol zordi, mon vant i fé mal ! ». Lo vyé Viktor la fé asiz ali dsi son pti ban ziska lo soir katrèr li la rès asiz, san lévé, san bouzé. Zour-la li la konète doulèr rèss asiz dsi ti-ban. Alé ! Mi lèss azot rofléshi la dsi é ni artrouv pli d’van sipétadyé.