Mésyé, Médam, La Sosyété koz èk moin sé koz èk in kouyon mé sé o pyé d’lo mir k’i oi lo bon mason. Zot i koné dann tout lang néna kalité lésprésyon konmsa i vé dir ou i sava fé in gran démarsh pou la po d’patate. Zot i koné patate, zot i koné la po avèk la shèr : zot i koné néna poin arien dann la po, pars sa lé konm in pti fime mins kaziman in rien di tou, sak lé valab sé la shèr. Astèr kan ou i sava la pèsh, sé o moins pou trap in kari poisson sansa i vo pa la pène é si ou i trap arienk lékime – sa i vé dir in rien ditou - sa i vé dir ou la pèrd out tan kaziman. Sa lé vré dé tou tan kan ou i invèsti dann l’initil. Alé ! Mi kite azot rofléshi la dsi é ni artrouv pli d’van. Sipétadyé.