L’avé, dann tan mon zénès in shanté té i di konmsa :« Madam Amédé koné pa lavé, i sava la rivyèr pou savone galé ». Par l’fète l’avé vréman in madam Amédé é kan bann jenn jan téi sif shanté la, sansa kan bann ti marmaye téi shant sa a ti-tète, ou i parl si zot té i fé pa angirland azot, é si lo mari té la, galé téi ronf an dsandan sansa an montan. Kozman la moin néna dan l’idé mi koné ali dopi lo tan moin téi mète kilote gronouy. Savone galé ? Sa té lo ka désèrtène téi sava la rivyèr pou pa tro fé granshoz mé an avoir in kar d’èr d’pé par raport zot mari téi kass tro z’ot zorèye, par raport z’ot momon téi pass son tan a komandé. Savone galé sé fé in késhoz initil mé kant mèm dé foi in pé ropozan. Alé ! Mi kite azot rofléshi la dsi é ni artrouv pli d’van. Sipétadyé !