Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Lakey lo sit > Chroniques > Oté

« Alé pa pli vite ké la mizik, alé pa pli dousman non pli »

In kozman pou la rout

zedi 16 avril 2020, sanm Justin

Mésyé, Médam, la sosyété, koz èk moin sé koz avèk in kouyon mé sé o pyé d’lo mir k’i oi lo bon mason. Mi pans zot i koné déza-kosa in léktèr nout zoinal i koné pa !-lo kozman k’i di konmsa : « Piss dann vyolon pou tir in son » mé la pa d’sa ni vé koz zordi.zordi ni vé koz dosi lo ritm kékshoz i doi marshé. La vitèss néna son tan, la mizik osi néna son tan. Sé lo tan k’i fé ké ou néna tèl sansa tèl mizik : in maloya la pa in séga, la jig konm i di la pa in vals, la vals la pa in régé. Mon défin papa – in dansèr d’séga, téi ian parl souvan bann ségatyé épi li téi di : « Mi yèm la mizik in tèl pars mi koné kansa mi sava poz mon pyé, gosh sansa droit, kansa mi sava tourn mon kavalyèr, koman mi amenn aèl avèk moin dann lo mèm timpo. ». La vi an zénéral lé konmsa : lé shoz néna in vitèss pou alé. Tro vite la pa bon, tro dousman la pa bon non pli. Mé moin lé sir zot i koné in réyon an pliské moin ladan. Sé pou sa, mi lèss azot rofléshi é ni rotrouv pli d’van. Sipétadyé.


Inn modékri, inn ti lavi, inn komantèr ?

signaler contenu


Facebook Twitter Linkedin Google plus