Sa sé in n’afèr i antan tazantan. Sa sé konm in fason anvoy demoun baladé. Sa i vé dir, si ou i gingn pa gid aou par ou mèm alor alé kriy a l’ède. Moin la antann sa in zour kan in frèr avèk in sèr t’a-pou dispité. Lo sèr té i kriy for é lo frèr té fatigé fé angrenn ali.

L’èr-la li la di lo kozman moin la mète an-o la pou dir tousèl ou i ariv pa pétète a dé ! In n’ot zour dann in komansmann batay na inn pou abès son vizavi la di kozman-la, konm pou dir li na arien a fèr avèk in zèrb sin-pol.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé z’ète, tazantan , dakor rantre nou.