In kozman pou la rout

« Alé vann la sand par pinte »

14 désanm 2018, sanm Justin

Mi koné pa si zot i konpran konm moin kozman-la. Moin pèrsonèl mi oi sa konm anvoye in moun fé kékshoz initil. La sann, dizon sé in marschandiz na poinn valèr donk na poinn kliyan pou ashté. Si ni vé, ni pé konpar kozman-la avèk d’ot kozman konm : « Alé marshé ! » sansa ankor « Alé pous kanar dan la pant Bélèr ! » épi néna ankor in kantité fason anvoye in moun dingé… Mé moin l’apré pans in n’afèr : mi di la sand sé in marshandiz san valèr, mé d’apré sak i paré la sann sé in n’afèr i pèrmète garanti bann plant kont fourmi, sansa ankor anrishi la tèr. I pé ansèrv galman pou frote marmit donk li pé z’ète in bon marshandiz. Alé ! Mi arète tèrla é mi invite azot pou rofléshi la dsi. Ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus