Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Lakey lo sit > Chroniques > Oté

Alé zoué kanète sou pié koko don !

L’État i doi pa arien ?

lindi 14 avril 2008, sanm Justin

Nana in pé d’tan nana konm in grongn rant lo Gouvèrnman avèk la Rézion déssi la kèstionn’èd in pé dmoun voiyazé. La Rézion i di Gouvèrnman i doi ali in bon paké larzan, épi Gouvèrnman éstèr i di sé la Rézion k’i doi in bon moné.
Apré lo ministr, i di, gouvèrnman i doi pa pèrsone arien !
A bon ? Bin akoz bann demoun la gingn déga volkan la pankor vi la koulèr larzan. Akoz konsèy zénéral i kour déyèr, san trapé, lo dé san million gouvèrnman i doi ali ? Akoz la Rézion la fine fé l’avans kék trèz million déssi bann voiyaz demoun i sar oir z’ot famiy dan La Frans épi lé konm sèr Anne, li oi pa arien arivé ? Ni arète tèr-la, la list sar tro long.
An vérité, gouvèrnman lé pirate.. Toultan li l’apré rod in manièr pou fé zékonomi déssi lé z’ot. Mié k’sa, li na in tik-tak, sé fé pèy par lé z’ot sak li doi péy par li-mèm.
Apré bouz a ou !
Gouvèrnman i doi pa arien ? Alé zoué kanète sou pié koko don !

Justin


Inn modékri, inn ti lavi, inn komantèr ?

signaler contenu


Facebook Twitter Linkedin Google plus