Nou néna ankor lo tan pou oir sa si ni vé. An atandan li la parl bann sizé konm toute sak ni koné éi figuir touzour dann bann média anpromyèr paz si ni pé koz konmsa pou bann média. Donk li la anparl de koi ? Li la anparl la vyolanss intra-familial, la route aksidantojène, problèm la drog, problèm la vi shèr, problèm kann, anfin in pé toute bann problèm ni antan parlé dopi dé zané é dé zané. Anfin dizon li la anparl in pé toute bann voyan rouz i klèr dopi dé zané éd é zané dsi la karte La Rényon.

Mé voila, néna inn késtyon, i komann prèss toute lézot é dopi la loi départmantalizassion, ni koné ni bite la dsi konm ni bite dsi in mir. In possib pou ranvèrssé, inpossib pou déplassé, inpossib pou pèrmète anpou d’avanss in pé… Mi vé anparl lékonomi La Rényon épi son mal dévlopman… I paré pas é in n’afèr i intérèss ali trébien, konm téi intérèsspa tro non plilé zot avan li.

Poitan ala in késtyuon inportan, ni diré mèm sa in késtyon éssanssyèl é nou rényoné ni koné koman sa lé inportan si tèlman néna dé konsékanss dsi la vi mèm bann rényoné… alon dira li toute suite si li intérèss pan oute lékonomi, noute lékonomi va aintérèss ali plisské li kroi.

A bon antandèr salu !

Justin