iensir ni koné léssanss jarniome La Rényon sé in produi tro bon kalité mé apré toute sak l’arivé dann lé z’ané soissante lété riskab filyèr-la i rodémar pi- o fète mwin na pwin la prèv sak mi di, mé mwin néna dan l’idé noute prodikssion jarniome, konm noute bann plantèr, lété kaziman viktime in l’assassina politik.

Mi angaj la jénèss réyonèz pou fé bann roshèrch épi démaye lo vré avèk lo fo pou konprann koman in prodikssion an bone santé konmsa la fini par prèss disparète pou rèss dann in léta d’féblèss inkroiyab alé oir noute jarniome lé koni pou son kalité épi son varyété.

Mwin néna ankor dan la tète la voi bann plantèr kan zot téi vien laba dann témoignages-la rue Marechal leclerc-Sin Dni- pou éspliké é réspliké avèk défin Bruny Payet, diréktèr zoinal dann tan-la, lo drame noute prodikssion d’ jarniome, épi son bann prodiktèr.

Mi arète tèrla mé mi signal azot dann tan-la toute lété politik é lo mové kou konte noute jarniome lété ossi in kou politik avèk prinssipal parti vizé lo parti kominiss rényoné.

A bon antandèr salu !

Justin