“Bate la sians’” : ala èn ti kozman kréol La Rénion i antann pi tro koméla. Moin la artonm la d’si an lizan kozman in Séséloi, dann Témoignages ièr, parapor la semènn kréol Seychelles. Laba osi, alor !

Mé kan, isi, ni tiliz lèksprésion-la, souvandéfoi sé plis’ in moukataz kotsoz. Parske pou vni abou vréman “bate la sians’, fodré èt inpé prétansié. Amoins’, konm pou aksèpt lévidans dovan in boug vréman kosto, ni fini par larg in : ”aoula, ou la bate la sians’ mèm, ou”. In lèspès mélanz létonnman èk ladmirasion !!

Laba Seychelles, on diré kozamn-la i pé avoir in not sans’ ankor. Pou vni abou bien mèt zot kiltir anlèr, na in boug la di : “Fo Séséloi i bate la sianss’. Rotromandi, sirpas’ azot pou pous’ ankor pli o zot kilitir. Èkzaktoman sat nou osi, isi, i fo ni fé !!!

Justin