Antouléka, sanb pou mwin, néna poin pli méyèr konéssèr moune-la ké Raoul Lucas proféssèr l’inivèrsité é lé pa égzazéré d’dir sé lo dékouvrèr Timogène Houat. Sé li k’la tir dann fénoir in roman Louis-Timagène Houat i porte dsu bande maron. Sé li galman la fé plizyèr konférans dsu lo gran rényoné demoune i komanss a konète zordi.

Mézami, nou néna la shanss somenn i vien Salim Lamrani i roganiz in konférans dsu Louis-Timagène Houat la fakilté dé lète issi Sind-Dni é lo konféranssyé, Raoul Lucas i sava partaz avèk nou son bande konéssanss dsu lo gran rényoné nou l’apré anparlé.

Alor, alon ékouté, alon fé vnir noute zami pou ékouté. Sar in bon baz dépar pou nou konète kissa Timagène Houat i lé é kossa li la fé pou La Rényon. Alor alon di noute bande zami, noute bande kamarade, noute bande dalon vien ékoute Salim Larani épi Raoul Lucas, sirésèrtin sar pa in pèrte tan. Sar mèm in gran pa dann noute listoir, in pa an avan pou myé konprande nout lidantité.

A bon antandèr, salu.

Justin