Navé in ta lamouboutéyaj sindni zordi, a koz CGTR, CFDT, CFE, ek CGC, la manifèsté. Bana té la, a koz zot i vé pa ke la régiyon i arèt lé chantiyé. 700 moun BTP té dovan la préfèktir pou ékout Jacky Balmine, di come sa « nou n’ poin de bon nouvèl, lé pa rasuré du tou ».
Préfé la di na vwar, alor bana la parti vwar Didier Robert, li la di, ma vwar sa lo 31 mé. Nou koné pa kosa la arivé demin, mé zordi té bèl. Tou’t do moun té ensemb pou di don a nou larjan èk l’emploi. Na dé/trwa travayèr BTP la di ke zot t vé tram-trin, èk tou’t chantiyé t prévu i début. Dann lintéré lo pèp rényoné Didier Robert i wa fé lo tram-trin, lé manifèstan la rapèl a li ke na in ta projé la été anulé : Pôle Océan, Zénith, Rocade du Tampon ek l’Hippodrome.
Robert ék Lalande (préfé) i koné ke la situasion La Réunion lé grav é ke nou na bezoin travail, lé pa pars ke lé in lidé Vergès ke bana i pé pa fai, lé pa une kèstiyon de moun, mé d’nésésité. Mint’nan nou sa atand larivé Penchard pou koz èk èl la situasion. Mé, aprè les zinstituteur, Marie Luce Penchard i pé atand a èl de voir un ta de moun akeuil aèel.

 Justin