Mi souvien pi an avoir antande in kozman konmsa kan mwin lété pti, sé ofiramézir ké lésprèssion-la la rante dann mon vokabilèr. Kan ou lé pti, wi amar pa lo dyab avèk oute karyol, sé kan wi grandi, é firamézir ké wi ramass toute vis lizine Beau-fond. Sé l’èr pou lo dyab rante dann oute tète.

Ni pé di ankor, lo moune i rode malèr pou son kor pars malèr sa sé kékshoze i vien pa d’bon dyé sa, mé li vien d’Grandyab é Grandyab i amenn pou ou toute la tablatir i vien avèk lo péshé épi lo malèr.

Alé ! Mi kite azot rofléshi la dsi é ni artrouv pli d’van. Sipétadyé.

Justin