Mézami bonpé i panss lé pa bon amar lo kèr sanm in moune, sanb son ménaz, sanb son bien, sanb son kapassité. Pars si wi fé la sa, la pèrsone lé kapab oir pèrde sak néna la valèr pou li.

Dann d’ote péi i paré sa i apèl « marabouté », mé issi na poin si tèlman d’marabou kissoi pou fé lo bien, sanbsa pou é lo mal. Mé par l’fète kossa i vé dir « amar lo kèr » dsu kékshoz in moune néna. Mi panss ou néna si tèlman anvi son kékshoz ké li lé riskab pèrde.

Antouléka si ou néna léspri fèb, pars in léspri for i kass pa la tète pou sa : amar aou, amar pa ou, anvi aou, anvi pa ou, lo shien i aboye é faktèr i pass.

Alé ! Mi kite azot rofléshi la dsu é ni artrouv plu d’van ? Sipétadyé.

NB-Défoi i di ossi « amar la boush kabri avèk in moune » mé kossa i di pa ?

Justin