D’apré sak mi antann dir, koméla, néna bonpé dmoune na pwin travaye é zot i sava fèr in promèss kissoi dovan la Vyèrz noir, kissoi dovan Sin-éspédi,kissoi ankor dovan in divinité pou gingn travaye. Mi koné pa si lé éfikass mé konm i di si i fé pa d’bien i fé pa d’tor non pli.

Mé lé pa bien mi trouv kan demoune i sava ral lo kèr pou gingn in kékshoz li la pwin é pou pran lo kékshoz in n’ot néna…bien antandi mi parl pa bann zistoir d’amour, pars ladan néna pou boir é pou manzé, mèm pou révé, osinonsa in for késtyonn zalouzi konm néna dann fèyton la télé.

Konbien foi inn i amar lo kèr pou l’ot ladan, mi diré pa oziss mé sak mi koné sé défoi la mor i rode dann bann zistoir-la.Mé alon dir sak i éspass dann télé i éspass pa dann la réalité.Sof kan la réalité i dépass la fikssion.

Alé ! mi kite azot rofléshir la dsi é ni retrouv pli dvan, sipétadyé.

Justin