Mésyé, Médam, La sosyété, koz èk moin sé koz èk in kouyon-sé o pyé d’lo mir k’i oi lo mason. Mi pans zot i koné lo lésprésyon “amen la vi an baton shèz” sansa konm Daniel Honoré i ékri dann son liv”somi-lo mo”amen in vi d’patachon. Mi souvien moin la antann sa dann in shanté l’opérète. An touléka, bann kozman-la sé zis lo kontrèr d’amen la vi sazman, rézonab, an bon pèr d’famiy. Lo limaz i koz pr li mèm : zot i oi komn in sharète shaviré i pé avansé zot ? An touléka pa tro bien, la pa dsi in rout normal. Antansyon ni anparl pa solman déplasman la-dan, ni pé parl konmsa pou in ménaz, pou in biznèss, pou in l’antropriz é marsh konmsa sé pran lo risk kass son gèl, karéman ! Alé ! Mi kite azot rofléshi la dsi é ni artrouv pli d’van. Sipétadyé !