Dann diksyonèr Alain Armand i pé lir : « zordi li amenn amwin an sharète shaviré, domin li nora pi lo dan pou manz graton ». Mwin lé pa sir mé mi panss i vé anparl in moune i amenn la vi kan li lé jenn é domin avèk laz sak li fé zordi li gingn ar pi fé domin.

An parlan d’graton, di pa mwin lé vyé pars mi di azot graton lontan téi bate graton koméla, mé lé vré mèm é sé pou sa ké mi yèm pi graton zordi. Lansien graton l’avé la po, la grèss épi la vyann é avèk sa bien kui é bien krokan vèye pa.

Alé ! mi kite azot rofléshir la dsi é ni retrouv pli dvan sipétadyé.

Justin