Amenn la vi an baton d’shèz wala in kozman lé pa klèr pou mwin. Pou koué ? Pars an vérité sa i vé dir plizyèr zafèr. I pé amenn la vi an dégréné. I pé amenn la vi an dézord. I pé ankor amenn la movèz vi mé mi panss pa i fo alé ziské la.

Mwin la trouv dann in shanson chagossiene Charlésia Alexis téi shante : lé tan mo ti viv dann Chagos, Mo ti koma payanké dan lézèr. Dopi mo apé viv dann Moris, mo amenn la vi kotomidor — kotomidor in pé i tradui sa konm « amenn la vi an baton d’shèz ». Mi panss pa sa i sava ziské la, mé azot de oir. In pé i di kotomidor sa lé pa dann la lang kréol rényoné. Mwin pèrsonèlman mi koné pa oziss. Pars sé in léspréssion i sone dann mon zorèye é mwin noré bien émé sa lé rényoné.

Al ! Mi kite azot rofléshir la dsi é ni rotrouv pli dvan sipétadyé.

Justin