Néna dé sèrtin i amenn in pti vi trankil. Néna galman i amenn la vi konm i fo épi néna sak i amen la vi kom moin la mark an-o la. Mon famiy té i apèl sa an baton shèz. An dégréné ! I di bien mon linz lé dégréné. Sansa intèliI rèss dann in kaz dégréné sansa i di galman : « la loi la dégrène son kaz ! ». Donk la défons son kaz avèk bildozèr. Mé pou kosa dégréné ? Sirman pars dégréné épi démonté sé topète morète. In vi bien améné sé in vi shak shoz lé a son plas. Néna lo tan pou lo travaye, lo tan pou lo plézir, in tan pou manzé é akoz pa in tan pou arfléshi. Mé si ou i gaspiye out vi, si tout lé an éksé, momandoné out vi lé koupé par raport bann prinsip é in vi san prinsip la pa in n’afèr nout vyé famiy té i vé. Alé ! Mi invite azot rofléshi la dsi é ni artrouv pli d’van sipétadyé.