Astèr si ni rogard lo mo « amiz », li vé dir « i tard » — lo kar i amiz pou passé é marmaye lékol i atann mèm. Sansa i vé dir ossi amizé, pass lo tan d’inn fasson agréab.

I pé mèm trouv dann mèm androi, an mèm tan lé dé sityassion. Dann diksyonèr Alain Armand i pé lir in fraz i sort dann in liv Axel Gauvin é fraz-la i di : Tandis banna i amiz zot tan, Tonin i assir toussèl dann son koin. In pé i amiz donk i pass bien lo tan, d’ote konm Tonin afors atann lé dann lanuiman san pour san.

Alé ! Mi kite azot rofléshir la dsi i retrouv pli dvan, sipétadyé.

Justin