Talèr dopi dizan na pi d’nouvèl si zafèr kofrefor Saint-André. Non pa si le kof, mé plito si sat lavé anndan. La pèye CES pou plis’ in milion d’fran. Pourtan la porte plinte é lankète té paré pa bien konpliké. Mèm Jean-Paul Virapoullé, parétil, lavé son pti lidé si le bann volèr !

konm ni pé pa tro mèt an doute le bon relasion rant le mèr èk la zistis, ni konpran ankor koman persone, ziskisi, la zamé fé - nésérès - le poin si lankèt-la. Larzan piblik lé pourtan an zé. Amoins”..., Perben, konm Zoro !!

Dernié kongré bann mèr, laba Paris, le minis la zistis’ la désid mèt an plas’ indé zoutiy pou klèrsi zot relasion èk bann prokirèr. Dorénavan, o moin dé foi par an, bann mèr va konèt la suite bann plinte zot la pozé. Si èksa ni fé pa toute la limièr si zafèr kofrefor Saint-André, lé a dézèspéré de ... l’UMP !!!

Justin