Médam, Méssyé, la Sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami zordi mi anparl azot lo mo « an-déor » k’i rossanb bien le mot français « en dehors de ». Mi panss ni pé apèl sa in prépozission. I pé dir galman « anpliss d’assiz, kossa wi gingn fé ? » osinonsa « an pliss d’assir... »

Dann kréol rényoné la pa toultan i mète prépozission mé mi sava pa anparl azot sa pars lé konpliké pou mwin. Gramèr an prinssipe sa sé pa in kékshoz sinp é si sa i ral azot, zot i pé alé oir dann liv « grammaire pédagogique du créole réunionnais – Danièle Quartier et Axel Gauvin » do koué pou nouri zot konéssans dann l’ar gramatikal noute kréol rényoné.

An atandan zot i pé antrenn azot pou ansèrv lo mo « an-déor », in bon légzèrssis pou fèr : an-déor d’ soudèr, kossa ou néna konm métyé ; an-déor koz gra kossa wi yinbou fé ankor...

Mi arète tèr-la é nou va rotrouv pli d’van, sipétadyé.