Mézami, mwin la pass dann Dzibouti laba, é mwin la vi in kékshoze la bien étone amwin : in rame kabri apré manze karton. Zot i konpran sa la pa in n’afèr normal… mwin k’téi panss kabri té i manze bon fouraze kansréti pou nouri son kor, épi son lénèrzi pou zoué, pou bataye lé z‘inn avèk lé zote épi amenn konm k’i fo zot vi d’kabri. Karton, d’apré mwin sa i doizète la séliloz avèk in doze mové zafèr d’dan. Mé si la fain l’apré tate azot lé possib pou ranpli lo bouzaron zot i sava ziska manze karton, ziss pou ranpli lo vante pars sa i nouri pa sa même bande kabri.

Sanss prope ni oi kossa k’i lé, mé sanss figiré é la pi késtyon d’kabri, pi késtyon d’karton, mé sinploman in késtyon d’sossyété : sa i vé dire, dan la vi, si ou la poin lé méyèr shoze, andézèspoir i fo wi kontante aou d’sak ou néna mèm si sa la pa oute promyé shoi, ni oute dézyèm é sé pétète p aoute shoi ditou.

Alé ! Mi kite azot rofléshi la dsi é ni artrouv pli d’van. Sipétadyé.