Mi pans, konm moin, iariv azot défoi oir d’moun apré pilé : kisoi dann bann soiré dansant, kisoi dann in fète famiy, sansa dann in pti lamizman. Mé mi pans konm moin zot la fine poz azot in drol késtyon : demoun i pil, zot lé kontan, mé dsi kèl kalité parol zot l’apré pilé. Talèr-la moin té apré ékout in séga dsi bann fam batu : in gayar mizik, in lanbyans éstra, mé mon dyé ségnèr lo bann parol lé a pléré kan ou i pans demoun i gingn lo kou, mèm la mor po in mézantant dann famiy. Alor, suiv mon konsèye : la mizik lé antrénant lèss azot antréné, mé rouv in pé zot zorèye dsi lo bann parol. Atann pa zot lé dann malizé pou sa ! Alé, mi kite azot rofléshi la dsi é ni artrouv pli d’van sipétadyé.