Mi koné pa si zot la fine bien rogard payanké dann syèl ? Mé pou moin na poin gran-shoz lé pli zoli ké sa : li plane, li vir, li dévir, li plonz in kou, aprésa li lé parti… diréksyon la mèr pou trap poisson pou son pti é pou li-mèm. Lé sir ké li pèrd do vi son pti dann ni… mé nout provèrb, kosa li vé dir pou vréman ?

Mi koné in provèrb fransé k’i di konmsa : loin lo zyé, loin lo kèr. Pétète sa mèm nout provèrb i vé dir. Romark, sa i pé z’ète vré, mé sa i pé z’ète fo galman pars i paré osi kan ou lé loin, lo kèr i raprosh. Moin lé santimantal zordi ! Mi koné pa kosa zot i anpans, mé tazantan i doi z’ète in ka, tazantan i doi z’ète in n’ot ka . Ni artrouv mé si zot i di pa, mi pé pa konète kosa zot i anpans.